શું થઈ ગયું

શું  થવાનું  હતું  ને  શું  થઈ  ગયું
   શું  મેળવવું  હતું ને શું  મળી ગયું
   કેડી પર ચાલવું હતું વગડે જઈ ચડી
   ભોમિયા વિણ ભમવું હતું ભૂલી પડી ગઈ
   ઝરણાં સમ વહેવું હતું વેરાન થઈ ગઈ
   વૃક્ષ બની ઝુમવું હતું પાનખર આભડી ગઈ 
   હિમાચ્છાદિત શિખરે થીજવું હતું ઓગળી ગઈ
   મહાસાગરે મહાલવું હતું કિનારે જઈ ચડી
   આભલે ઉડવું હતું ધરતી પર પટકાઈ પડી
   ભ્રમર ગીત ગાવું હતું ફૂલે બિડાઈ ગઈ
   ગુલાબ થઈ નિખરવું હતું ગજરે ગુંથાઈ ગઈ
   નિર્દોષ બાળા રહેવું હતું જુવાન થઈ ગઈ