હરિ તારાં—-

  હરિ તારાં છે હજાર નામ, કયે નામે લખવી કંકોતરી
     રોજ રોજ બદલે મુકામ  કયે  ગામે  લખવી  કંકોતરી

     મથુરામાં મોહન તું ગોકુળ ગોવાળીઓ
                                    દ્વારિકાનો રાય રણછોડ
                                    કયે ગામે લખવી—-
   કોઈ સીતારામ કહે કોઈ રાધે શ્યામ કહે
                                    કોઈ કહે નંદનોકિશોર
                                    કયે ગામે લખવી—-
   ભક્તોની રાખી ટેક રૂપ ધર્યા  તે  અનેક
                                    અંતે તો એકનો એક
                                    કયે ગામે લખવી—-
   ભક્તો તારા અપર ગણતાં ન આવે પાર
                                    પહોંચે ન પૂરો વિચાર
                                    કયે ગમે લખવી—-
   ‘નરસિંહ મહેતા’નો સ્વામી  શામળીઓ
                                  મીરાનો ગિરીધર ગોપાળ
                                  કયે ગામે લખવી—-

        ભક્ત નરસિંહ મહેતા નું સુંદર ભજન
             ========================