નંદકુમાર

 

   કૃષણ જન્મ થાય જન્માષ્ટંમીએ
    નવું ભજન સ્ફૂરે અંતરની અટારીએ

  હો, મારા આંગણીયામાં આજ
  ખેલે નંદનો કુમાર  ગોપ ગોપીઓની સાથ
  મારે હૈયે ઉમંગ ન માયેજી

  તેના મુખપર રેલે સ્મિત
  તેને અંગે ભરી પ્રીત  નિસરે મધુરું સંગીત
  મારે હૈયે ઉમંગ ન માયેજી

  માતા જશોદાનો લાલ
  નંદબાબાને દરબાર  ગોકુળમા તેનો તરખાટ
  મારે હૈયે ઉમંગ ન માયેજી

  એ છે માખણનો ચોર
  છેડે બંસીનો શોર  જમનાતીરે નાચે મોર
  મારે હૈયે ઉમંગ ન માયેજી
 
  આંખડી પામી દર્શન આજ
  મૂકી સઘળી લોક લાજ  પામી અલૌકીક રાજ
  મારે હૈયે ઉમંગ ન માયેજી