ધન ભરેલી હજારો ઝોળી દેશ લુંટીને આવે

ભારતમાની ગરીબ પ્રજાનું લોહી ચૂસીને લાવે

જનતા રડતાં રડતાં રે પાપી પેટને સમજાવે

કોના બાળક કોની પત્ની ભોગ તેનો બનતાં

કોના પતિની અસહાય આંખો અશ્રુ વહાવે

જનતા રડતા રડતાં રે પાપી પેટને સમજાવે

ખુરશી ઉપર બેસાડેલાં પ્રધાનોની છે માયા

કાળાં કર્મો કરતા જેને નિત નવા સુઝે ચાળા

જનતા રડતાં રડતાં રે પાપી પેટને સમઝાવે

જાતજાતના કૌભાંડોમાં કરોડો રૂપિયા બનાવે

મોંઘવારીની ચક્કી ચલાવી પ્રજાને પિસાવે

જનતા રડતાં રડતાં રે પાપી પેટને સમજાવે

કાળું નાણું કાળાં કૃત્યો કાળી દાનત જેમની

કાળાંપાણીની સજા  પામે ઉજળી ના થવાની

જનતા રડતાં રડતાં રે પાપી પેટને સમજાવે

પ્રજાસત્તાકના શુભ દિને મન મક્કમ કરીને

હાથ મિલાવી ‘અન્નાને’ સહકાર દિલથી દઈએ

જનતા હિંમત  કેળવીને માતને આશ્વાસન દઈએ