બાવરી

18 09 2021

કાવ્યા, જાણતી હતી કેયુર તેના પર જાન છિડકે છે. કેયુર હતો પણ કરોડપતિનો

નબીરો. કાવ્યા માટે મોંઘા દાટ ઉપહાર લાવી તેને રિઝવતો. જુવાની ફુટી હોય,

શરીરમાં આવી રહેલા પરિવર્તનની સંવેદના માણતી હોય ત્યારે આવો મિત્ર ખૂબ

ગમે. આટલા બધા ઉપહારોથી નવાજે એટલે ‘જાન છિડકે” છે એવું માનવું સહજ

બની જાય.

કાવ્યા પોતાની જાતને ભાગ્યશાળી માનવા લાગી. આગળ કશું પણ સમજતી

ન હતી. તે સમજવા માટે બુદ્ધિ તેમજ દિમાગ હજુ પરિપક્વ થયા ન હતા. એને

એમ થતું કે ‘રૂપ અને ગુણ’ જોઈ આ ધનવાન મારા પર મરે છે. કિંતુ જેમ ભમરાને

સુગંધી ફૂલ પર બેસવું ગમે ,એવું જ કંઈક આને જાણી શકાય.

છોકરાઓમાં એ સમજ થોડી વહેલી આવે છે. સાથે સાથે બેદરકારી પણ. કેયુર

પણ કંઇ એવો કહી શકાય. જે પણ છોકરી ગમતી તેના બેધડક વખાણ કાવ્યા

સામે કરતો. શરૂ શરૂમાં કાવ્યાને તેની વાત ગાતી. કારણ ઉપહાર મન પસંદ

પામતી.

જ્યારે કોલેજના છેલ્લા વર્ષમાં આવી ત્યારે કાવ્યાને જરા અજુગતું લાગતું હતું.

તે કેયૂરને વિના સંકોચે પૂછી બેઠી, ‘ કેયૂર તું મને ચાહે છે ” ?

કેયૂર તો આવો સીધો સવાલ સાંભલીને ત ત પ પ, થઈ ગયો. શું બોલવું તેનું ભાન

ન રહ્યું. તેનો મિત્ર કેતુલ તેની સામે જોવા લાગ્યો. છેલ્લા કેટલા દિવસોથી કાવ્યા જોઈ

રહી હતી કે કેતુલ અલગ પ્રકારનો છે. જ્યારે પણ કેયૂર ગુંચવાયો હોય ત્યારે કેતૂલ તેની

મદદે આવી જતો. કાવ્યા તેને ખૂબ ગમતી હતી.

કેયૂરને ખાતર કેતૂલ કાંઈ બોલતો નહી. બસ ,કાવ્યાને નિહાળતો . કેતૂલ કેયૂર જેવો

ધનવાન ન હતો પણ દિલનો સાચો અને સંયમી જણાતો. કાવ્યા, કેયૂરનું દિલ વાંચવામાં

નિષ્ફળ નિવડી. માત્ર મિત્ર તરિકે માનતી હતી. હા, આકર્ષક ઉપહાર ઘડીભર માટે તેને

કેયૂરની નજી ખેંચતા. તેનો દિલથી આભાર માનતી. જુવાની દિવાની હોય છે. કોને આવા

સુંદર ઉપહાર ન ગમે ?

કોલેજના છેલ્લા વર્ષમાં ત્રણે જણ આવ્યા. કાવ્યાની વિચાર શક્તિ ખીલતી જતી હતી.

કેયૂર તો એ નો એ અલ્લડ જુવાન જ રહ્યો. એને મન કોલેજમાં ભણતી છોકરીઓ રમકડાંની

ઢિંગલી જેવી હતી. જાણે મોંઘી દાટ વસ્તુઓ જીવનમાં શાંતિ લાવવા માટે પૂરતી ન હોય ?

કાવ્યા ધીરે ધીરે કેતૂલનું નિરિક્ષણ કરી રહી હતી. કેયૂરને બહાને કેતૂલને, કાવ્યાની નજીક

સરવાનો મોકો મળતો.

કાવ્યા માત્ર ઉપહાર પામવા માટે જ કેયૂરની નજીક ન રહેતી. છતાં પણ કેયૂર તે સમજવામાં

નિષ્ફળ નિવડ્યો. કાવ્યાની લાગણી ન દુભાય તેનું કેતૂલ ધ્યાન રાખતો. કાવ્યા, કેતૂલના આ

ગુણને નિરખી રહી. કેતૂલ આદર અને સ્નેહ સહિત તેને મિત્ર માની રહ્યો હતો . કેયૂર બેફિકર,

બિન જીમ્મેદાર અને રંગીલો જુવાન રહ્યો.

કાવ્યા હવે નાદાન રહી ન હતી. બસ થોડા વખતમાં કોલેજકાળ સમાપ્ત થશે. સહુ પોત પોતાનું

કાર્ય ક્ષેત્ર સંભાળવા અલગ થઈ જશે. મિત્રતાનો દોર હવે વિશ્વાસ અને આદર ને તાંતણે બંધાશે.

કેયૂરમાં કાવ્યાને બેમાંથી કાંઇ નજર ન પડ્યું. કેતૂલ તેની આંખોમાં વસી ગયો. પ્યારના અંકુર

હજુ ફૂટ્યા ન હતા.

તે જાણતી હતી. ‘પૂછીને પ્યાર ન થાય’ ! એ તો સહજ છે. પરિક્ષાનું પરિણામ આવી ગયું. બધા

પાસ તો થઈ ગયા. છેલ્લે દિવસે કેતૂલ કહ્યા વગર રહી ન શક્યો, ‘કાવ્યા મારી મિત્રતાને ફાલવા

દેજે ‘!

કાવ્યા, ચોંકી ગઈ. કેતૂલના શબ્દોનો ભાવ ન પારખી શકે તેવી તે નાદાન ન હતી. તેના શબ્દોમાં

રહેલી ઉષ્મા કાવ્યાના હ્રદયને સ્પર્શી ગઈ. કાવ્યા એ ઉત્તર આપવાને બદલે માત્ર આંખ નીચી કરી.

કેયૂર, કાવ્યાને અને બીજી બે છોકરીઓને કહી રહ્યો હતો, ‘ક્યારે મળશું ખબર નથી પણ હોટલ અને

પાર્ટીમાં જવું હશે ત્યારે ફોન કરીશ.’

કાવ્યાને કેયૂરની બેદરકારી પસંદ ન આવી તેને થયું ખોટો સમય બરબાદ કર્યો.

‘આ ધનિકને, ન તો માણસની કિંમત છે ન વ્યક્તિની પહેચાન છે’.

‘શું તે છોકરીઓ સાથે ઘર ઘર રમે છે’ ?

‘ સમય પસાર કરવા માટે તેને મિત્રતા કેળવવી છે’.

જ્યારે કેતૂલ, એનો જ મિત્ર છે પણ આસમાન જમીનનો ફરક છે. કાવ્યાને કેતૂલ સમય મળ્યે ફોન કરતો.

બન્ને જણા સાથે રવીવારને દિવસે ફરવા પણ જતા. ક્યારે પ્રેમના અંકુર ફૂટ્યા અને કેતૂલે એકરાર કર્યો.

‘ કાવ્યા હું તને પહેલાં દિવસથી દિલ દઈ ચૂક્યો હતો. પણ એક બાજુનો પ્રેમ પૂરતો નથી. મારે રાહ જોવી

હતી. શું મારું દિલ વાંચવામાં તું સફળ થઈશ’?

કાવ્યાએ વળતો જવાબ ખૂબ સુંદર આપ્યો. ‘ હા, મને કેયૂર આપતો એ ઉપહાર ગમતા હતા. જ્યારથી

હકિકત આંખ સામે જણાઈ ત્યારથી તને હું બારિકાઈથી નિરખી રહી હતી. મને પૈસાની નહી પ્યારની

અપેક્ષા હતી. જે મને તારામાં જણાઈ’.

આજે લગ્નના દસ વર્ષ પછી પણ તેની સુગંધ મને ‘બાવરી’ બનાવે છે.





“પ”ની પદયાત્રા

15 09 2021

વર્ણમાલાનો ‘૨૦મો અક્ષર છે પ” પણ રૂઆબ તો ‘ક’ કરતાં પણ વધારે રાખે

છે.કેમ ન રાખે તેની આગવી ‘પ્રતિભા’ તો જુઓ ! કિંતુ એ થાપ ખાઈ જાય છે

કે આ કશું , આ જગે કોઈનું ટક્યું નથી અને ટકવાનું પણ નથી.

સદા ઘુમતી, બદલાતી આ પૃથ્વી પર ફેરેફાર નિરંતર ચાલ્યા કરે છે. કશું કાયમ

ટકતું નથી તો પછી ગર્વ શાને ?

‘પદ’ ની શુભ શરૂઆત ‘પ’થી થઈ . આ પદ કેટલું ટકવાનું ? તો પછી પામ્યા

છો તો તેનો સહી ઉપયોગ કરો ? જેથી પદ છૂટે તો પણ તે પદને શોભાવનારની

ચર્ચા ટુંકા યા લાંબા ગાળા સુધી રહે ! પદનો ગેર ઉપયોગ કરી તેને લાંછન તો

ન લગાવો.

‘પદ’ નાનું હોય કે મોટું, શાળાના શિક્ષક કે આચાર્ય ‘? સફળ શિક્ષક જ્યારે

પોતાના પદનું ગૌરવ જાળવી, કેળવણિના ક્ષેત્રમાં નામના મેળવીને તો

આચાર્યના પદે પહોચે છે.

‘પ્રતિષ્ઠા’, જેની પાછળ પાગલ માનવીએ આંધળી દોટ મૂકી છે. જે ઝાંઝવાના

જળ જેવી છે. જેટલી દોટ લગાવશું એટલી એ દૂર સરતી જણાશે. કાળા

માથાનો માનવી વગર વિચાર્યે કાળાં કૃત્ય કરે છે. બસ તેના દ્વારા પ્રતિષ્ઠા

પામવા પાગલ બન્યો છે.

પ્રતિષ્ઠા પામવા કામ પ્રત્યેની નિષ્ઠા, વફાદારી, સત્યનો આગ્રહ આ બધું

સંકળાયેલું છે. ચોરી ચપાટી, ઘાલમેલ કે લફંગાગીરી કરીને મેળવેલી પ્રતિષ્ઠા

પત્તાના મહેલની જેમ ક્યારે જમીનદોસ્ત થાય છે તેનું ભાન પણ રહેતું નથી.

‘પદવી’ જેનું મહત્વ કોનાથી અજાણ છે. કિંતુ એ પ્રાપ્ત કરવા યોગ્યતા સિદ્ધ

કરવી આવશ્યક છે. બાકી, ‘ના હું તો ગાઈશ’ની માફક કદાચ પ્રાપ્ત થાય તો

તેને ટકાવી રાખવા કેવા બેહૂદા કૃત્ય કરી શકવા પણ તે સક્ષમ છે. પદવીથી,

વ્યક્તિની પ્રતિભાને ચાર ચાંદ લાગી શકે, નહી કે અયોગ્ય વ્યક્તિ પદવીને

પામીને કોઈ ‘ધાડ’ મારી શકે !સમાજમાં હાંસીને પાત્ર થાય તે નફામાં.

તેના માટૅ યોગ્યતા હોવી આવશ્યક છે. પદવીનું ગૌરવ ત્યારે જળવાય છે,

જ્યારે તેના દ્વારા લોક હિતના કાર્ય થયા હોય. યા તો કોઈ સિદ્ધિ હાંસિલ

કરી હોય. પાંવ્હ માણસમાં પૂછાય તેવા કોઈ કાર્યમાં સફળતા મેળવી હોય !

‘પ્રારંભ’ જાણી જોઈને આ શબ્દથી લેખનો પ્રારંભ નથી કર્યો. ‘પ્રારંભે શૂરા

જેવી’ કફોડી હાલત ન થાય તેનું ધ્યાન રાખ્યું ? પ્રારંભ કરવામાં આપણે સહુ

શૂરા છીએ. કિંતુ કાર્ય પ્રત્યે નિષ્ઠા અને ઉમંગ જારી રાખવામાં સાવ કાચા.

ડગલું ભર્યું તો ના હટવું એવો મક્કમ નિર્ણય જોઈએ. શરૂઆત કરી કરીને

અધવચ્ચે છોડી દેવું. માર્ગમાં આવતી અડચણોથી ગભરાવવું એ બધા સારા

લક્ષ્ણ નથી !

‘પ્રગતિ’ ને પંથે પ્રયાણ જારી રાખવું. જે કાર્યને તેના ધ્યેય સુધી પહોંચાડવામાં

સહાય કરશે. ગતિ જગતનો નિયમ છે. પ્રગતિ કરવી એ મનુષ્યને માટે વણ

લખ્યો નિયમ છે.

‘પ્રમાણિકતા’ ‘પ’નું ગૌરવ વધારનાર મસાલો. પ્રમાણિક વ્યક્તિ ભલે કોઈ

વાર સમાજમાં શિકાર બને પણ અંતે ‘સત્યમેવ જયતે’ જ થાય. માનો યા

ન માનો, પ્રમાણિકતા સાથે બાંધ છોડ ન કરવી હિતાવહ છે.

પ્રેમ, પ્રણય, પ્રતિક્ષા, પ્રયોજન, પ્રભાત કેટલા જણાને પદયાત્રામાં શામિલ

કરું ? આ તો પદયાત્રાને બદલે સરઘસ થઈ ગયું.





ધડાકો

12 09 2021

સાસરેથી આવેલી પૃથા મ્હોં ફુલાવીને ઘરમાં આંટા મારતી હતી. માતા અને

પિતાની લાડકીનું મનમાન્યું ન થાય ત્યારે આવું વર્તન કરવા માટે તે બાળપણથી

પ્રખ્યાત હતી. મમ્મીની બિમારીના સમાચાર મળવાથી અમેરિકાથી દોડી આવી.

પપ્પા એને જોઈને ખુશ થઈ ગયા. મમ્મીનું પણ જાણે અડધું દર્દ ગાયબ થઈ ગયું

હોય એવી લાગતું હતું.. ભાઈ તો આખો વખત કામમાં વ્યસ્ત હોય. ભાભી, ઘર

સંભાળે, એકના એક દીકરાનું ધ્યાન રાખે, મમ્મી અને પપ્પાની દિલથી કાળજી

કરે. તો પણ નણંદબા ભાભીના વર્તન માટે ચુની ચુની ને ખામી કાઢે.

અમેરિકાથી ખાસ દોડી આવેલી નણંદબાને ભાભી સાંખી લે, બનતું બધું કરે.

ઘરમાં મા માટૅ એક બહેન પણ રાખ્યા હતા .છતાં પણ નણંદબા ભાભીની ભૂલ

શોધી કાઢે. કહેવાય છે, ” કમળૉ હોય એને પીળું દેખાય”.

‘ભાભી, ઓ ભાભી મમ્મીની ચા તૈયાર છે’ ?

સવારના પાંચ વગે ઉઠીને કામ કરતી ભાભીની ખામીઓ શોધી બધા વચ્ચે

ગણાવતી ત્યારે તેના મુખ પર વાઘ માર્યો હોય તેવી કાંતિ જણાતી ‘નણંદ’

એ એવી પદવી છે જેને શોભાવવા કરતાં કીચડથી રંગાવું ગમે છે. જે શોભાસ્પદ

નથી. કિંતુ સમજવું કોને છે.

સ્ત્રીની દુશ્મન બીજું કોઈ નહી અન્ય સ્ત્રી જ છે ! એ સનાતન સત્ય છે.

માંદી મમ્મીને થયું, દીકરી આટલે દૂરથી આવી છે તો મારા જતા પહેલાં મિલકતના

ભાગ પડી જાય તો સારું. ભાઈ બહેન બન્નેને આમાં કોઈ વાંધો દેખાયો નહી. પિતા

તો કાંઈ બોલી જ ન શકે ! “હાઈ કોર્ટ’માંથી જે હુકમ બહાર પડ્યો હતો. માના

શરીરમાં ચેતના આવી ગઈ.

માલ મિલકત ,દર દાગિના બધું ખુલ્લું મૂક્યું. સહુથી પહેલી પસંદગી દીકરની. વહુને

તો કશું બોલવાનો અધિકાર જ ન હોય. ‘મને જરાય દયા ન આવે, કારણ કે એ વહુ,

જ્યારે પોતાને પિયર જાય ત્યારે તે આવું જ કરતી હોય છે. ‘

ખેર જવા દો આવી વાતને. પૃથાને ખૂબ આનંદ થયો. આવી હતી મમ્મીને મળવા

પણ અંહી તો દલ્લો હાથ લાગ્યો. માતા અને પિતા સદ્ધર સ્થિતિમાં હતા. સારી

એવી મિલકત મળી. મમ્મીની તબિયત લગભગ સારી થઈ ગઈ હતી. પૃથાએ

પાછા જવાની ઈચ્છા જણાવી. બે દીકરા અને પતિને મૂકીને આવી હતી એટલે

પાછા જવા માટૅ તલપાપડ થઈ રહી હતી.

દીકરીને એરપોર્ટ મૂકીને ઘરે આવ્યા. મમ્મીને થયું હવે તો વાંધો નહી આવે.

ઘડીભર પછી શું થવાનું છે એની કોને ખબર હોય છે ? ઘરે આવીને બાથરૂમમાં

કપડા બદલવા ગયા ને લપસી પડ્યા. થાપાનું હાડકું ભાંગી ગયું. ખૂબ દર્દ થયું.

તરત ડોક્ટર પાસે લઈ ગયા.

ઈમરજન્સીમાં ઓપરેશન કરવાની જરૂર પડી. બધું સરખું થયું પણ મમ્મી

પાછા ચાલી શકે તેવી કોઈ શક્યતા ન હતી. ઘરમાં ૨૪ કલાકની બાઈ રાખવી

પડી. ‘ફિઝિકલ થેરપિસ્ટ’ અઠવાડિયામાં બે વખત આવતી. મમ્મી પોતાની

પરિસ્થિતિમાં થોડી માનસિક શાતા પામી શકે. મમ્મીની બિમારી લગભગ

૧૫ વર્ષ ચાલી. કોઈ ખાસ ફરક જણાતો નહી. પપ્પા તો મમ્મીની આવી હાલત

જોઈને પાગલ જેવા થઈ ગયા હતા. આઘાત સહન કરી શક્યા નહી.

બે વર્ષમાં મમ્મીને દીકરા અને વહુના સહારે મૂકી વિદાય થયા. પૃથા દર વર્ષે

માને મળવા આવતી. ભાઈ અને ભાભી જે લાગણિથી સેવા કરતાં તે જોઈને

દંગ થઈ ગઈ. માની સારવારમાં પાછું વળી જોતા નહી.

આ વર્ષે પૃથા આવી ત્યારે મનમાં નક્કી કરીને આવી હતી. અમેરિકામાં ખૂબ

સુખી હતી. ભાભી પ્રત્યેનો તેનો અભિગમ ખૂબ બદલાઈ ગયો હતો. પંદર દિવસ

રહીને જવાના સમયે ધડાકો કર્યો. ભાઈ અને ભાભી હું કાંઇ કહેવા માંગુ છું.

‘હું જીદ્દી અને અડિયલ છું, તમે બન્ને જાણો છો. ‘

ભાઈ કરતાં ભાભી વધારે ગભરાઈ ગઈ. વળી પાછું શું થયું ? વાવાઝોડાની

આશાએ ભાભી ગભરાઈ.કોને ખબર કેમ ભાભીઓ આટલી બધી નણંદોથી

ગભરાતી હોય છે ?

ભાઈ, ભાભીની બાજુમાં ગયો તેને આંખોથી સાંત્વના આપી. પૃથા એ

ધડાકો કર્યો.

“ભાભી, મમ્મી અને પપ્પાએ ભાગમાં જે પૈસા આપ્યા હતા, તે હું અમેરિકા નથી

લઈ ગઈ. જ્યાં રોકાણ કર્યં છે, એ બધાના કાગળ હું તમને આપું છું. મમ્મીની સેવા

ચાકરી તમે કરો છો. આ બધું તમને શોભે મને નહી. ‘





આલા રે આલા

9 09 2021

No photo description available.

ગણપતિ બાપા મોરિયા

અડધુ લાડુ ચોરિયા

**

ભાદરવા સુદ ચોથને આપણે ગણેશ ચતુર્થી યા વિનાયક ચોથને

નામે ઓળખીએ છીએ. આ દિવસે ગણપતિ તેમની માતા પાર્વતી/

ગૌરી સાથે કૈલાસ પર્વત પરથી પૃથ્વી પર અવતરણ કરે છે.

ગણપતિ જીવનમાં સફળતા, શાંતિ, એકસૂત્રતા લાવવામાં સહાય કરે છે.

શુભ કાર્યના પ્રણેતા ગણપતિ બાપા. વિઘ્ન હર્તા ગણપતિ બાપા.

આવો આજે એમની સહ કુટુંબ સાથે ઓળખાણ કરાવું. ન માનતા

હો તો પણ માનતા થઈ જશો કે શામાટે ગણપતિનું પૂજન સહુ પ્રથમ

કરવાની મંગલ પ્રથા હિંદુમાં છે .

ગણોના પતિ, સિદ્ધિ વિનાયક.

ગણપતિને બે પત્ની ૧. રિદ્ધિ ૨. સિદ્ધિ

ગણપતિના બે પુત્ર ૧. લાભ ૨. શુભ

ગણપતિની પુત્રી સંતોષી માતા

લાભ અને શુભની પત્ની ૧. તુષ્ટિ ૨. પુષ્ટિ

ગણપતિના બે પૌત્ર ૧. આનંદ ૨. પ્રમોદ

ગણપતિના પરિવાર જેવો સુખી પરિવાર આ જગમાં મળવો દુર્લભ નહી

અશક્ય છે.

હમેશા યાદ રાખજો, “પહેલા સમરું ગણપતિ દેવા”. આવો સુંદર પરિવાર તેમની

કૃપાથી પ્રાપ્ત થાય. તેમના મંગલ પગલાં પડે અને આપણા ઘરમાં શાંતિ અને સુમેળનું

સામ્રાજ્ય સ્થપાય.

યાદ છે ને ગણપતિનું ;વાહન; ઉંદર છે. ગણપતિનું કદ અને વાહનનું કદ જોઈ નવાઈ

નથી લાગતી ? ઉંદર માનવીના ‘મગજ’ ની સાથે સરખાવાય છે. જે ખૂબ નાનું છે અને

અવળચંડુ છે, જેને સ્થિર રાખવું અતિઆવશ્યક છે.

ગણપતિના હાથમાં અભયનું નિશાન છે. સુંઢ પાસે ‘લાડુ’ છે. જે ‘સત ચિત આનંદનું’

પ્રતિક મનાય છે.

આવો તેમના આગમનને વધાવીએ.

ગણપતિ બાપા મોરિયા

મંગલ મૂર્તિ મોરિયા

******





રોકાયા !

5 09 2021

ભલેને ગમે તેટલો થાકેલો હોય, ઘરે આવે એટલે રાતના વાળુ પછી બાપાના

રૂમમાં જાય. બાપા આખો દિવસ કેમ રહ્યો ? થોડી મજાની વાતો કરે. આખા

દિવસ બનેલા કોઈ પ્રસંગ વિષે વાત કરી બાપાને હસાવે. સોમાને યાદ હતું

બહેન પરણી ત્યારે તે નાનો હતો. આખી જિંદગી બા, બાપા અને પોતે સાથે

ગાળી હતી.

બાપાની બધી આદતો, ગમો અણગમો બધું તેને યાદ હતું. આજે આ સ્થિતિ

બાપાની લાગણિ, કુરબાની અને પ્યારને કારણે પામ્યો હતો. એ તો બા નજીવી

માંદગીમાં ગામતરે ગઈ, એટલે બાપા એકલા થઈ ગયા હતા. બા ગયા ત્યારે

શુશી નવી પરણેલી દુલ્હન હતી. બાને ખૂબ જીણવટ પૂર્વક નિહાળતી. એને

પોતાની મા નથી એનું ખૂબ દુઃખ હતું.

સોમાની માએ શુશીને પારખી. તેને પ્રેમ આપતી. સાસુપણું કરવું તે એના સ્વભાવમાં

ન હતું. શુશીને સોમા પહેલા ખાવા બોલાવતી. તેના ગમા અણગમાનો ખ્યાલ રાખતી.

આ તો લગ્નની ધમાલને કારણે થાક લાગ્યો હતો. અશક્તિ જણાતી હતી. માંદગીમાંથી

ઉભા થવાને બદલે જગતથી રૂઠી ગઈ.

સોમાની માના ગયા પછી શંકરલાલને એકલતા સતાવતી. સોમો સમજતો પણ

શું કરે ? નસિબદાર હતો કે સોમાની બૈરી આ લાગણિ સમજતી હતી. એને

પિયર પણ તેના બાપા એકલા હતા. લગ્ન પછી જ્યારે પિયર જતી ત્યારે બાપા

પાસે બેસતી. માને યાદ કરી બાપ, બેટી થોડી ક્ષણો સાથે જીવતાં. સોનાની

ભાભીને બાપનો ગરાસ હતો. પૈસાની રેલમછેલ હતી.

સસરાની એકલતા સમજવાની તસ્દી લેતી નહી. નોકર તેના સસરાને જમાડતો.

એનો વર ઘરમાં હાજર હોય ત્યારે બાપા સાથે વાતો કરતી. બાકી આખા દિવસમાં

બધું નોકર પાસે કરાવતી.

શુશી જાણતી પણ બાપના ઘરમાં કલેશ કરાવતી નહી. ભાભીની બહેન એના ગામમાં

પરણવાની હતી એટલે ભાઈ અને ભાભી ગોળધાણાના પ્રસંગ નિમિત્તે આવ્યા હતા.

શુશીએ ભાઈ અને ભાભીની ખૂબ ઈજ્જત કરી સન્માન આપ્યું. તેના સસરાના ઘરમાં

માનપાન જોઈ, ભાભી જરા શરમાણી.

સોમો રાતના જમ્યા પછી બાપાના રૂમમાં ગયો. તેમના પગ દબાવી અને થોડીવાર

વાત કરી બહાર સાળા સાહેબ અને તેની પત્ની સાથે ગપ્પા મારવા આવ્યો. શુશી

બાપાના રૂમમાં ગરમ દૂધનો ગ્લાસ મૂકી આવી. દરરોજ તેમને રાતના ગરમ દૂધ પીવાની

ટેવ હતી.

શુશીના ભાઈ અને ભાભી તો દંગ થઈ ગયા. રાતના ચાર જણાએ વાતો કરી. શુશી રાતના

આઈસ્ક્રિમ લઈને આવી બધાએ લહેરથી ખાધો. શુશીનો ભાઈ ખૂબ પ્રેમાળ હતો. બહેનીને

દિલથી ચાહતો.

બે દિવસ રોકાઈને ભાઈ અને ભાભી પ્રસંગ ઉજવીને ઘરે પહોંચ્યા. આખે રસ્તે બન્ને જણાએ

ખૂબ વાતો કરી. ભાઈથી બોલ્યા વગર ન રહેવાયું, ‘સારું થયું ને આપણે શુશી બહેનને ઘરે

રોકાયા’ !





ક્યારે ?

2 09 2021

મોના, રીના અને જીયા આજે પર્યટન પર ગયા હતા. દસમા ધોરણમાં ભણતા હતા.

વર્ગના બીજા બધા વિદ્યાર્થિઓથી અલગ બેઠા હતા. ગંભિર વિષય પર ચર્ચા ચાલી

રહી હતી. અચાનક જીયા બોલી, ચાલો ને આપણે બીજી વાત કરીએ.

જીયા સરળ હતી. સાધારણ કુટુંબની હોવાને કારણે હવાઈ કિલ્લા બાંધતી નહી. સમય

આવ્યે ,સગવડને આધારે પોતાનું ધાર્યું પાર પાડતી. મોના અને રીના ખૂબ સુખી ઘરની

દીકરીઓ હતી, શેખચલ્લીના વિચરો કરતી અને રોજ નવા નવા મનસૂબા કરતી.

આજે જીયાએ કહ્યું આ વાત પડતી મૂકીએ , પરીક્ષા નજીક આવે છે. કેવી રીતે વાંચીશું કે

આપણે ત્રણે જણા દર વખતની જેમ વર્ગમાં સારા ગુણ મેળવી શકીએ. શાળાના સમય

દરમ્યાનની દોસ્તીમાં પૈસો ગૌણ બની જાય છે. જીયાની વાત સાંભળી, મોના બોલી , ‘તારો

શું વિચાર છે’.

જીયાએ નક્કી કર્યું હતું, કઈ રીતે વાંચવું, નોટ્સ બનાવવી અને ત્રણે જણાએ ક્યાં અને કેવી

રીતે મળવું. રીના ટપકી પડી, ‘આપણે પર્યટન પર આવ્યા છીએ, ભણવાની વાત કાલે શાળામાં

કરીએ તો કેવું ?’

જીયા અને મોનાએ હા પાડી. એલિફન્ટા બોટમાં બેસીને આવ્યા હતા. વર્ગના બીજા બધા બાળકો

સાથે મળી રમત રમવામાં મશગુલ થઈ ગયા. જીયાને માટે ભણવાનું ખૂબ અગત્યનું હતું. સાધારણ

કુટુંબની હતી. ભવિષ્ય ઉજ્જવળ બનાવવું હતું. નાનો ભાઈ પણ હતો.

મોના અને રીના જીયાની બધી વાત સાંભળતા. એમને જીયામાં ખૂb વિશ્વાસ હતો. જીયા નોટ્સ બનાવીને

આપતી જેને કારણે ત્રણે જણા સારા ગુણ મેળવી ઉત્તિર્ણ થતાં. જીયાની જરૂરિયાતમાં આ બંને તેને સાથ

અને સહકાર આપતા. બારમી સાથે પસાર કરી. જીયા સમગ્ર શહેરમાં પહેલી આવી.

સામેથી કોલેજો તેને બોલાવતી. સ્કોલરશીપ મળી. જીયાના માતા અને પિતાને સમજાવ્યા. જીયાએ જ્યારે

પૈસાની વાત કરી તો બંને જણા ગુસ્સે થઈ ગયા.

“આપણી મૈત્રી શું કામની જો તું અમને તારી પડખે ન ઉભા રહેવા દે”!

જીયાના હોઠ સિવાઈ ગયા. ડોકટર બની અને જીવનના પોતાના ધ્યેય ને પહોંચી. તે હંમેશા પોતાના માતા

અને પિતાની સાથે બંને સહેલીઓને જશ આપવામં પાછી પાની ન કરતી. મોના અને રીના કોલેજનું શિક્ષણ

પુરું કરી યોગ્ય પાત્ર સાથે પરણી ગયા.

જીયા, પોતાના ક્ષેત્રમાં આગળ વધી રહી છે. ડોક્ટર હોવા છતાં કોઈ જાતના ‘ટેબલ નીચે પૈસા લેવામાં ‘

ફસાતી નથી. મોના અને રીનાને હંમેશા ડોક્ટરની જરૂર પડૅ ત્યારે જીયા હાજર હોય. પોતાના માતા, પિતા અને

નાના ભાઈલાને બધી રીતે સાથ આપી સંતોષ પ્રાપ્ત કર્યો.

સાથે કામ કરતા જીગરની આંખમાં વસી ગઈ હતી. જીયા જાણતી હતી પણ જ્યાં સુધી કુટુંબની બધી જવાબદારી

પૂરી થઈ ત્યારે જીગરને કહે, ‘બોલ ક્યારે ઘોડે ચડીને આવે છે’ ?





કાના

29 08 2021

રોહિણી નક્ષત્ર અને શ્રાવણ વદ આઠમની મધરાતે તું આવવાનો. સારા જગતમાં ઢંઢેરો

પિટાવ્યો છે. બહુ રાહ જોવડાવી. અંતરથી કાના તને સાદ પાડું છું.

બસ તું આવ !

શ્રાવણ વદ આઠમની મધરાતે, ધામધુમથી આવીશ તો ખરો, શું તારી મરજીથી

આવવાનો ? તારા ભક્તોની પુકાર સાંભળીને આવવાનો ? માત્ર ચીલા ચાલુ પ્રસંગોની

હારમાળા સમજીને આવીશ. કાના તારો આવ્યા વગર છૂટકો નથી. માખણ અને મિસરી

પણ તારી વાટ જુએ છે. છડી અને કામળી દ્વારે ઉભા છે. ગોપ અને ગોપીઓ તારા વિયોગે

વિહવળ બની ઉઠ્યા છે. રાધાની હાલતની શું વાત કરું ?

જેલમાં વસુદેવ અને દેવકી નિરાધાર અવસ્થામાં છે. નંદબાબા અને જશોદા મૈયા કાગડોળે

તારી વાટ નિરખી રહ્યા છે. ભલે તને આ અવાસ્તવિક લાગે કિંતુ સહુ તારી તરફ મીટ માંડીને

બેઠા છે. તું કેટલાને નારાજ કરીશ ?

“કાના તારે આવવું પડશે” !

તેં ગીતામાં ગાઈ બજાવીને કહ્યું છે , “સંભવામિ યુગે યુગે”. કેટલા અનાચાર અને અત્યાચાર

થઈ રહ્યા છે. કીડી મંકોડાની જેમ માણસોનો સંહાર થાય છે. એક બાજુ યુદ્ધ અને બીજી

બાજુ રોગચાળો. બે પગળૉ ભલેને ગમે તેટલા કૂદકા મારે કે હડીઓ કાઢે, તારી શરણમાં

આવ્યા વગર છૂટકો નથી.

અધર્મનો ફેલાયેલો રોગચાળો તને દેખાતો નથી ? માનવી, માનવીનો દુશ્મન બની ગયો છે.

અનાચાર, અત્યાચારની ચારે દિશામાં આંધી ઉઠી છે. જ્યાં જુઓ ત્યાં બંદૂકની ગોળીઑની

ધમધમાટી સંભળાય છે. સ્ત્રી, બાળકો અને દીકરીઓની સુરક્ષા ભયમાં છે. મનુષ્યના લોભને

થોભ નથી. સત્તાની લાલચ પાછળ પાગલ બનેલો તારો સર્જેલ માનવી ગાંડો થઈ ઘુમી રહ્યો છે.

મહાભારતના યુદ્ધમાં થયેલો નર સંહાર અને વિનાશનો તું પ્રત્યક્ષ સાક્ષી છે. યાદ છે ને ત્યાર પછી

જે બચ્યા હતા તેમની માનસિક હાલત કેવી હતી. એવું લાગે છે કે તેનું પુનરાવર્તન થઈ રહ્યું છે. હવે

૨૧મી સદીનો માનવી તને કરગરી રહ્યો છે. તેને ભાન થઈ ગયું છે કે તારી સહાયતા વગર આ શક્ય

નથી.

તારા આગમનની તૈયારી ધામધુમથી થઈ રહી છે. તને વધાવવા સહુ આતુર હૈયે દ્વારે આવી ઉભા છે.

નયનોની પ્યાસ બુઝાવવા તું આવ.

ધરતી પર ચાલી રહેલાં અત્યાચારોને મિટાવવા તું આવ.

સહુના હૈયા આનંદથી છલકાવવા તું આવ .

ગાયોના ધણને ડચકારવા તું આવ.

મોરલી રૂઠી છે મનાવવા તું આવ.

કામળી મ્હોં છુપાવે છે તેને ચહેરે ખુશી લાવવા આવ.

તારી રાધા જો રિસાઈ છે, તારે કાજે ઝુરે છે.

તું આવ બસ કાના એથી વધુ શું કહું .





લોક ગીતો

28 08 2021

એ જમાનો ગયો જ્યારે લોક ગીત ગવાતા

આજે જ્યાં જુઓ ત્યાં કઢંગા ગીત સુણાતા

*

ગામડાની ગોરીને ડચકારે બકરી ચરાવતા

ઉંચી એડીનાસેંડલ પહેરી ચા ચા ચા કરતા

*

ગાયને નીરતાં ને બકરીઓને દોહતાં

આઈ પેડ દઈને બાળકો છાનાં રાખતા

*

ઘંટીની ઘરેરાટીને વલોણાનું ધમધમ

સવારના પહોરમાં એરોબીકસ્ની કૂદંકૂદ

*

આરતીનો ઘંટારવને શ્લોકોનું ઉચ્ચારણ

ટી વી પર આવે ગોળીઓની રમઝટ





શ્રાવણ મજાનો

25 08 2021

“આ શ્રાવણ આવ્યો અને તારા ધતિંગ ચાલુ થઈ ગયા”. હવે તો પૂરો થવા આવ્યો.

રવિશ થાકી ગયો હતો.

મમતા રવિશની બધી બાબતની તકેદારી રાખતી. કેમ ન રાખે રવિશ તેને પ્રેમ

કરતો. તેના સુંદર બે બાળકોની માતા બનવાનું સૌભાગ્ય પ્રાપ્ત થયું હતું. આજે

રવિશ સવારના પહોરમાં મમતા પર ઉકળ્યો. રવિશને જરા પણ ભગવાન પર

શ્રદ્ધા ન હતી. સાદી ભાષામાં કહીએ તો નાસ્તિક હતો. ખબર નહી કેમ મમતા

આટલા વર્ષોથી તેનો સાથ કઈ રીતે નિભાવી રહી હતી.

મમતાએ એના બોલવા પર ધ્યાન ન આપ્યું. શ્રાવણ મહિનામાં સોમવાર, ગુરુવાર

અને શનીવાર એક ટંક ખાઈને કરતી. કૃષ્ણ પાછળ પાગલ મમતા જન્માષ્ટમી પર

લાલાને લાડ લડાવતી. મમતા નામ હતું, બંગાલવાળી તેનાથી સાવ વિરુદ્ધ ,હવે

કાંઈ નામ થોડું બદલાય ? તેનો અર્થ કેટલો સુંદર છે. મમતાના બાળકોને પૂછી જુઓ !

મમતાના બે બાળકો ખૂબ સુંદર સંસ્કાર પામતા. માતાને અંધશ્રદ્ધા નથી તે બરાબર

જાણતા હતા. તેમને થતું પિતાજી નાસ્તિક હોવા પાછળ જરૂર કોઈ કારણ હશે. એ

સત્ય જ્યારે જાણ્યું ત્યારે તેમને વ્યાજબી લાગ્યું.

રવિશની માતાએ અંધશ્રદ્ધાને કારણે ઘરગૃહસ્થી પ્રત્યે બેદરકારી આચરી હતી. રવિશના

બિમાર પિતાજી કઢંગી હાલતમાં વિદાય થયા હતા. રવિશની નાની બહેન કોઈ જાતની

કેળવણી પામી શકી ન હતી. ભલું થજો રવિશના બનેવીએ તેને સાચવી અને પોતાની

મા પાસે કેળવણી અપાવી જેને કારણે એનો સંસાર સુખી છે. રવીશ લાગણીઓને

દર્શાવવામાં ખૂબ કાચો હતો. મમતાને કારણે સંસારનું ગાડું વ્યવસ્થિત ચાલતું હતું.

રવિશ, મમતાને અનહદ ચાહતો. જીવનમાં પામેલી દરેક સિધ્ધિઓ આપ બળે પામ્યો છે,

એવી ભ્રમણામાં રાચતો. મમતા ક્યારેય જશ લેવા પડાપડી ન કરતી. એને ખબર હતી ,

પેલો લાલો કેટલી સહાય કરે છે! જેને કારણે મમતાની લાગણિ અને પ્રેમ તેને વાહિયાત

લાગતા. મમાતાનો પ્રેમ અને અથાગ પ્રયત્ન રવિશને દેખાતા નહી.

મમતા સાથે લગ્ન થયા ત્યારે માંડ બે છેડા ભેગા થતા. મમતા ક્યારેય પોતાની ગુપ્ત મદદ કહી

બતાવતી નહી. રવિશને એકલે હાથે બધો જશ ખાટવાની આદત પડી ગઈ હતી. મમતાને થતું

આ એક ખરાબ આદતને કારણે ઘરમાં શામાટે કજિયો કરવો ? ઘરની શાંતિ તેને અતિ પ્રિય હતી.

બાળકો પણ ખુશ રહેતાં. રવિશ મમતાનું સમ્માન જાળવતો પણ વખત આવે તેની પ્રવૃત્તિને ધતિંગ

કહેતો ત્યારે મમતાના મુખ પર કાળી વાદળી આવીને પાછી ફરતી.

આજે સવારથી મમતા પોતાના કાર્યમાં ગુંથાયેલી હતી. રવિશ ઉતાવળમાં નાસ્તાનું ટિફિન લઈ જવાનું

ભૂલી ગયો. જો તેને સમયસર ખાવાનું ન મળે તો તેનો પિત્તો જાય. બીજું તેનું બ્લડ પ્રેશર આસમાને

પહોંચી જાય. મમતાને એક આદત હતી કૃષ્ણને આરોગાવેલી સામગ્રી જ્યારે પ્રસાદ રૂપે પામતી તે

પ્રેમથી રવિશની બ્રીફ કેસમાં મૂકતી. સૂકો મેવો, ખજૂર , અંજીર જે બગડતું નહી. રવિશને તેની ગંધ

આવવા ન દેતી.

એમાં વળી આજે તો પવિત્ર એકાદશી હતી. મમતાએ બનાવેલો પ્રસાદ આજે ખાવાને ભાગ્યશાળી

બન્યો હતો. આજે ભાઈ ટિફિન ભૂલી ગયા હતા. ગુસ્સો આવ્યો અને કામ કરતાં બ્રીફ કેસમાંથી કાગળ

ફંફોસતા એ સૂકામેવાનો ડબ્બો હાથ લાગ્યો. આમ પણ સૂકો મેવો તેને ખૂબ ભાવતો. બેલ વગાડી ,

દરવાન પાસે ચા મંગાવી અને આરોગવા બેઠો. ભાવતું ખાવાનું હતું. મસાલા ચા સાથે ખાવાથી મોજમાં

આવી ગયો.

યાદ રહે સાત્વિક ખાવાનું ખાવ ત્યારે વિચારો પણ સાત્વિક આવે, રવિશને મમતાનો પ્યાર અને ભોજનમાં

રહેલો સ્વાદ ખૂબ ગમ્યા. કામની સ્ફૂર્તિ અને ઉત્સાહ વધ્યા. રોજ કરતા કામ સારું થયું , નવા સુઝાવ વિચાર્યા

જેનું પરિણામ અઠવાડિયા પછી આવ્યું.





તુમ બીન

24 08 2021
  • સોનમ અને સાહિલ, બે તન અને એક જાન. લગ્ન કર્યા ત્યારે ભલે એકડો ઘુંટતા વાર લાગી હતી.
  • પછી તો તિનકા, તિનકા કરી કેવો સુંદર માળો બનાવ્યો હતો. સોનમે પણ  મન મક્કમ કર્યું હતું.
  • ક્યારેય હરફ ઉચ્ચારવો ન હતો. બસ એકલા જીવવાની હવે ટેવ પડી ગઈ હતી. સર્જનહારની
  • મહેરબાની છે, જીવન ખૂબ સરળતા પૂર્વક વહે છે. તો પછી આજે આ મન કેમ વાંદરાની જેમ
  • ગુલાંટ મારે છે.
  • જીવનમાં વસંત પૂરબહારમાં ખીલી હતી. ગમે તેટલી સુંદર વસંત, કેમ ન હોય ? જ્યારે મનની
  • અટારીએ મોરલો થનગન ન કરે ત્યાં સુધી બધું નકામું.આજે સોનમનું મન શું માગતું હતું, તેની
  • સોનમને પણ ખબર ન હતી. ચંચળ મન અભ્યાસ દ્વારા સંયમમાં રહેતું. રાજા ,વાજા ને વાંદરા,
  • ક્યારે તેમનો મિજાજ ફટકે કહેવાય નહી. સોનમ ત્રણેમાંથી એક પણ ન હતી છતાં આજે  ખૂબ
  • ઉદાસ અને નાખુશ જણાતી હતી. કારણ સાવ મામૂલી હતું.
  • ઘણી વાર જેમ નાની નાની ખુશીઓ આપણને આનંદમાં તરબોળ કરી દે છે તેમ  સાવ નજીવું
  • કારણ  દુઃખની ગર્તામાં ધકેલી દેવા કામયાબ બને છે.આજે સોનમના બધા મિત્રો દસ દિવસ
  • માટે અલાસ્કા જઈ રહ્યા હતા. તેને સાથે આવવાનું આમંત્રણ પ્રેમથી આપ્યું પણ હતું. સોનમ
  • એકની બે ન થઈ. તે દર વખતે મિત્રો સાથે જતી હતી. આ વખતે કેમ ન ગઈ તેનું કારણ સોનમનું
  • દિલ જાણતું હતું. જવું પણ ન હતું અને પાછળ રહીને દુઃખી પણ થવું હતું. આ પ્રશ્ન કેવી રીતે હલ
  • કરવો.
  • સોનમની નોકરી પર એક આધેડ ઉંમરના ભાઈ હતા જે સોનમ પ્રત્યે લાગણી ધરાવતા. સોનમ
  • કરતાં લગભગ પંદર વર્ષ મોટો. બાળકો પરણી ગયા હતા. અને પત્ની હમેશા બિમાર રહેતી.
  • સોનમ તેમને હમેશા મિ. શેઠ કહીને બોલાવતી.સોનમના ન જવાનું કારણ એક વાર વાતવાતમાં
  • સોનમ મારફત જાણી લીધું હતું. સોનમ અને સાહિલ અલાસ્કા જવાની બધી તૈયારી કરી ચૂક્યા
  • હતા. અરે, ડિપોઝિટના પૈસા પણ ભરાઈ ગયા હતા. જ્યારે સાહિલ બાકીના પૈસા વાયર ટ્રાન્સફર
  • કરવા બેંકમાં ગયો ત્યારે તેને અચાનક છાતીમાં દુખાવો ઉપડ્યો હતો.
  • બેંક ઉપર ૯૧૧ દ્વારા એમબ્યુલન્સ બોલાવી સાહિલને ‘સેંટ લુકમાં’ હોસ્લપિટલમાં લઈ ગયા અને
  • સોનમ ઘરેથી સીધી હોસ્પિટલ પહોંચી ગઈ.બસ ત્યાર પછી તો સાહિલની તબિયત નરમ ગરમ
  • રહેવા લાગી. સાહિલની નોકરી જૂની હતી તેથી ‘વહેલું રિટાયર્ડમેન્ટ’ લઈ લીધું. તેની નોકરી પરથી
  • પૈસા સારા એવા મળ્યા. બાકી હતું એટલું આયુષ્ય સોનમના સાથમાં વિતાવી સાહિલે પ્રયાણ કર્યું.
  • બસ ત્યાર પછી ક્યારેય સોનમ અલાસ્કા જવાની વાત ને ઉચ્ચારતી નહી.આ વખતે જ્યારે બધા
  • મિત્રોએ જવાનું નક્કી કર્યું ત્યારે સાહિલે સોનમને સ્વપનામાં આવી ખૂબ સમજાવી. ઉંઘમાં પણ
  • સોનમ ,’ ના સાહિલ મારે તારા વગર અલાસ્કા જવું નથી. “. કહીને ચિલ્લઈ ઉઠી અને પછી બાકીની
  • રાત ‘ગીતા’ વાંચવામાં ગાળી.
  • આજ કાલ કરતાં સાહિલને વિદાય થયે દસ વર્ષ થઈ ગયા. સોનમ હવે સારી રીતે જીંદગી જીવતી હતી. 
  • એ તો સાહિલ જરા વહેલી ઉમરે વિદાય થયો હતો. સોનમની આમ જોઈએ તો ભર જુવાન હતી. પણ
  • કુદરત પાસે માનવીના હાથ હેઠા પડે. એકલી રહેતી સોનમને નોકરીના કારણે  સમય પસાર કરવામાં
  • વાંધો ન આવતો. સોનમ કોઈવાર મનમાં વિચારતી,’ આ સમય પસાર થાય છે કે હું પસાર થાંઉ છું?
  • આજે લંચ ટાઈમમાં સોનમ, મિ. શેઠ સાથે વાતો એ વળગી. મિ. શેઠ તમારી પત્નીની તબિયત સુધારા
  • પર છે ને ?
  • તેમણે નીચી મુંડી કરી હલાવીને ના પાડી. તેમણે ધીરેથી ઉમેર્યું કે તેમની પત્ની હવે થોડા દિવસોની
  • મહેમાન છે. સોનમને ખૂબ દુખ થયું.’ક્યારેય પણ જરૂર પડે તો મને બોલાવજો’ કહી પોતાની મદદ
  • કરવાની તૈયારી બતાવી. સાહિલના વિદાય થયા પછી, બે દીકરીઓની દેખભાલમાં પંદર વર્ષ પસાર
  • થઈ ગયા. એકલે હાથે બધું સંભાળવાનું હોવાથી તકલિફ પડતી. કિંતુ દીકરીઓના ઉજળા ભવિષ્યને
  • લક્ષમાં રાખી કામ કરતી.જ્યારે સાહિલની યાદ આવતી ત્યારે ફોટાના થૉકડા વચ્ચે બેસી જતી.
  • સાહિલનો ‘ફોટોગ્રાફીનો’ શોખ ગજબ હતો. વળી પાછું તે સઘળું સુંદર રીતે આલ્બમમાં સજાવીને
  • રાખતો. સોનમ સાથે લગ્ન થયા ત્યારથી આજ સુધી સુંદર રીતે આલ્બમ બનાવ્યા હતા. નીના અને
  • નીશા જોડિયા બહેનો હતી. તેમાના જન્મથી અઢાર વર્ષની થઈ ત્યાં સુધીની વિડિયો તેમજ, ફોટા
  • જોવાની સોનમને ખૂબ મઝા આવતી. મોટે ભાગે સોનમ અને દીકરીઓના ફોટા જ જોવા મળતા.
  • ‘સાહિલ તું તો ફોટામાં સાથે આવ’.અરે, જો હું ફોટામાં આવીશ તો ફોટા કોણ પાડશે’?સોનમ હારી
  • જતી તેની સાથે દલીલ કરવાનો ફાયદો નથી એ બરાબર જાણતી. ઘરમાં ‘તીન દેવિયાં સાહિલની જાન
  • હતા’.નીશા અને નીના હજુ તો બારમી પાસ માંડ થયા ત્યાં સાહિલની તબિયત બગડી. તેને કોઈ પણ
  • ખરાબ આદત ન હતી. સોનમે ડોક્ટર પાસે જઈ તેની તબિયત બરાબર તપાસવાનું વિચાર્યું. સાહિલે
  • પહેલા આનાકાની કરી.’અરે, હું ઘોડા જેવો છું. મને શું થવાનું છે’ ?’પણ ડોક્ટર પાસે તપાસ કરાવી
  • મનને શાંતિ આપવામાં શું તકલિફ છે’?
  • જબરદસ્તીથી, લગભગ ઘસડીને તેને ડોક્ટર પાસે લઈ જવો પડ્યો.  ડોક્ટર દારૂવાલાઈ તેને બરાબર
  • તપાસ્યો.’મારા માનવામાં નથી આવતું કે આ ઉમરે સાહિલને કેન્સર કેમ કરતા થયું. બીજા ડોક્ટરની
  • સલાહ લેવાનું વિચાર્યું. ડો, મહેતા કેન્સરના નિષ્ણાત હતા. તેઓ પણ ડો. દારુવાલાના નિદાન સાથે
  • સહમત થયા. ચિંતા કરવા જેવું નથી. શરૂઆતના તબક્કામાં નિદાન થયું છે. સારું થતા વાર નહી
  • લાગે.”કેન્સર એટલે , કેન્સલ” એવું માનવાવાળા આ રોગનું નામ સાંભળતા ધબકારો ચૂકી જાય છે.
  • માનવી જ્યારે કોઈ પણ વાત મગજને અસર કરી જાય છે ત્યારે તેની ચુંગલમાંથી નિકળી શકતો નથી.
  • માનસિક વલણ ખૂબ મહત્વનો ભાગ ભજવે છે. જો મન મક્કમ હોય તો સારવાર અસર કરે છે. કિંતુ
  • જો ખોટી દિશામાં વિચારીએ તો વિપરિત અસર જરૂર થાય.

મિ. શેઠ જાણતા હતા, શામાટે સોનમને અલાસ્કા નથી જવું. તેમની પત્ની પણ બિમાર રહેતી હતી. બંને

સમદુખિયા હતા. સોનમનો સાહિલ ગેરહાજર અને મિ.શેઠની પત્ની પથારી વશ !