ઘડપણ આવ્યું

ઘડપણ કોણે મોકલ્યું જુવાનીના દિન ચાર

ઘરડાં ગાડાં વાળે કદી અટકે ના મઝધાર

જીંથે અંબોડા બાધતી તીથે પડ ગઈ ટાલ

વણ નોતરે આવે તેને ઘડપણ કહેવાય

અનુભવને ઓરસીયે જીંદગી  પિરસાય

ઘડપણમાં ચટાંકા ઘણાં સંયમ જોજન દૂર

જો સંયમને વરે ઘડપણમાં ઝાઝેરું નૂર

દિકરા દીકરી વહુ જમાઈ આપે માનપાન

પૌત્રો પૌત્રીઓની વચ્ચે હરખે ખાનપાન

યોગી જ્ઞાની વિજ્ઞાની દિપાવે ઘડપણ ટાણું

રોગના જો ભોગ બને તો શું મારે કહેવાનું

જીભ પર સંયમ વર્તન સુંદર ઘડપણમાં

મોત પણ મલાજો પાળે તેની શબયાત્રામાં

બસ પ્રભુ વગર આંમત્રણે આવેલ અતિથિ

ઘડપણ માન પામે અને યાદ રહે એ તિથિ