આત્મવિશ્વાસ

girls

ઉઠાવ્યું જે પગલું બસ આગળ ધપતો રહેજે
મંઝિલની શું મજાલ છે કે અટકાવી દે તેને

ગ્રહો બેઠા છે આભે નિહાળી લે ધરા પરથી
કનડતા નથી તને મને માન સ્વસ્થ મનથી

કર્યા કર્મોનો હિસાબ ચૂકવવો અંહીંનો અંહી છે
લેખાં લખે શું વળે એકડો ઘુંટવો હજુ બાકી છે

ભાગ્યની પાછળ કેમ પડ્યો છે દિવાનાની જેમ
હાથમાં દોરીલે લકીર વીર પેલા પથ્થરની જેમ

સમાધિમાં સીધા સરવું છે હે માનવ તુજને હવે
યમ નિયમની ગલીઓમાંથી સરવાના ફાંફા હવે

દુનિયા તુજને સમજે યા ન સમજે શાને કરે ફિકર
તારી સાથેની સોદાબાજીમાંથી પહેલાં બહાર નિકળ

અત્મવિશ્વાસ સહજ ને સરળ જોવાની ચાવી છે
નિર્મળ દૃષ્ટિ ના તાળાને ખોલવા કાજે આવી છે

મારગ ભુલું ત્યારે જગત નિયંતાને ધા નાખું છું
અંતરનો અવાજ સુણી સત્યને પંથે વળી જઉં છું

Advertisements