૨જી ઓક્ટોબર ૨૦૧૭, મહાત્મા ગાંધી જયંતિ

1 10 2017

પૂ. ગાંધી બાપુ

અરે ગાંધીજી જેવા ગાંધીજીના પણ અનેક દુશ્મન હતાં ! એટલે તો ગોળીથી વિંધાયા. જર્મનીમાં ‘હિટલર’ની પૂજા કરનારા હજુ હયાત છે. માનવીનું અકળ મન અદભૂત છે તેમાં શંકાને સ્થાન નથી. જે તને આજે તાજ પહેરાવશે તે વ્યક્તિઓ તને હડધૂત કરતાં પળનો પણ વિલંબ નહી કરે !

પ્રણામ. આજે તમારી ૧૪૮મી વર્ષગાંઠ નિમિત્તે ખાસ પત્ર લખવાનું મન થયું.તમે ક્ષેમ કુશળ હશો ? જો કે પત્ર લખવો કે મેળવવો એ એક દુઃસ્વપ્ન છે. આઝાદ ભારતની પ્રજાની હાલતના સમાચાર તમને પહોંચે છે કે નહી? હું તેનાથી અનજાણ છું ! તમે જે સ્વતંત્ર ભારતની કલ્પના કરી હતી તેનો તો ‘ક’ પણ નજરે પડતો નથી ! બાપુ દુઃખી ન થશો. ઉપવાસ પર ન ઉતરશો.

બાપુ ૨૧મી સદીમાં તમારા વિચારોને કેટલું મહત્વ આપવું અને કેટલું આચરણમાં ઉતારવું એ ગહન પ્રશ્નનો ઉકેલ શોધું છું. તમે ભારતની ધરતી પર વિહર્યા હતા એ એક સ્વપ્ન લાગે છે. હા, એ હકિકત છે તેમાં શંકાને સ્થાન નથી.  અસહકાર, સ્વદેશીની હલચલ, મીઠાનો સત્યાગ્રહ, સત્યની ઉપાસના, પ્રાર્થનાનું મહત્વ બાપુ આ બધા શબ્દો શબ્દકોષની બહાર જણાતા નથી.

આપણા દેશની પ્રજા બુદ્ધિશાળી છે  તેમાં બે મત નથી. તમારી જેમ પરદેશ જઈ ભણીને બેસુમાર કમાય છે. તે આનંદ તેમજ ગૌરવવંતા સમાચાર છે.હેં બાપુ, તમે પણ પરદેશ ખેડ્યું હતું.  બેરિસ્ટર થયા હતા. તમારામાં દેશ પ્રત્યે ભાવના જાગવાનું મૂળ હું શોધીને થાકી. ક્યાંય નરી આંખે દેખાતું  નથી ?

આજની ભારતની પ્રજા શામાટે દેશ પ્રત્યે પોતાનો પ્રેમ  વ્યક્ત કરતા અચકાય છે? તેમના બધિર કાને દેશની પ્રજાનો સાદ કદી ટકરાતો નથી ? શું   તેમને કદી પોતાના બાળપણના દિવસોની યાદ સતાવતી નથી ? હમેશા પરદેશનું બધું સારું અને ભારત પ્રત્યે ઓરમાયો વ્યવહાર ! જ્યારે એ સઘળાં ભારતમાતાની ધરતી પર આળોટી મોટા થયા છે.

હા, આપણા વડા પ્રધાન શ્રી નરેન્દ્ર મોદી જુદી માટીના ઘડાયા છે. તેમની રગોમાં ભારત માતા પ્રત્યે પ્રેમ જણાય છે. પહેલું તો તે ગુજરાતી છે. ગુજરાતી ભારે મુત્સદી હોય છે. તમારાથી વધારે  આ વાત  સારી રીતે  કોણ જાણે ? બીજું એમનામા દેશદાઝ ઠાંસીઠાંસીને  ભરેલી છે. ભ્રષ્ટાચારના સખત વિરોધી છે. યાદ છે ને, સ્વામી વિવેકાનંદનું નામ પણ નરેન્દ્ર હતું ? સરદાર વલ્લભભાઈ પટેલ ,’લોખંડી પુરૂષ’ હતા. વડાપ્રધાન  નરેન્દ્ર મોદી ‘ અડગ પુરૂષ’ લાગે છે. બાપુ, ટુંક સમય માટે ભારતનું સુકાન  વડાપ્રધાન પદ દ્વારા સદગત લાલબહાદુર શાસ્ત્રીએ શોભાવ્યું હતું તેમને પણ આજે સ્મરી વંદન કરું છું.

વર્ષોથી સડેલું આપણું તંત્ર અને બેકાબુ બનેલી લાંચરૂશ્વતની બદીને કાઢવી સહેલી તેમજ સરળ નથી. ઉપરથી કુદકે અને ભૂસકે વધતી જતી મોંઘવારી, પ્રજાની હાડમારી કેવી રીતે ઓછી કરવી.સળગતો પ્રશ્ન છે વસ્તી વધારો, સ્ત્રીની અસલમતતા, દીકરીઓ પ્રત્યે બેહુદું વર્તન. બાપુ આજે માત્ર ફરિયાદ નથી કરવી ! બાપુ શું કરું ? ચૂપ રહેવાતું નથી. દિલ માનતું નથી. હૈયું હાથ રહેતું નથી.

દેશે અને પ્રજાએ ઘણી પ્રગતિ પણ કરી છે. જ્યાં ન પહોંચે કવિ ત્યાં આપણી પ્રજા પહોંચી છે. આપણા દેશની  પ્રજા ખૂબ મહેનતુ છે. ઈમાનદારીનું પ્રમાણ ઘટી ગયું છે. તેનું મુખ્ય કારણ જડબેસલાક મોંઘવારી છે. તેમાં શંકાને સ્થાન નથી ? દરેક વ્યક્તિનો સહુથી પહેલો ધર્મ ‘પેટ’ છે. પરિવારના સહુની સામાન્ય માગ ‘રોટી,કપડા અને મકાન’ જેવી  ક્ષુલ્લક વસ્તુઓનો  અભાવ હોય તો કોઈ પણ વ્યક્તિ આ પથ પરથી ચળી જાય. બાપુ છતાં ગૌરવ સાથે કહીશ , સામાન્ય પ્રજાને નેકી પસંદ છે. તેમના જીવનમાં સ્મિત ભર્યો વહેવાર ઉમંગ અને આનંદ ફેલાવે છે. નાની નાની ખુશી તેમના મુખ પર ચમક લાવે છે.

મનુષ્ય નામનું પ્રાણી સ્વર્થથી ભરેલો હોય તે જગજાહેર છે. કિંતુ સ્વાર્થની માત્રા જ્યારે માઝા મૂકી માર્ગના દરેક જીવજંતુ યા માનવને કચડે ત્યારે હ્રદયમાં વેદનાની ટીસ
ઉઠે છે ! બાપુ ૨૧મી સદીમાં માનવ ‘પૈસાને’ કેમ આટલું બધું મહત્વ આપતો હશે ? આ ગહન પ્રશ્નનો ઉકેલ પામવો સહેલો નથી !બાપુ ભારતની પ્રજાએ ઘણી પ્રગતિ સાધી છે. પણ આપણાં ગામડામાંથી અંધશ્રદ્ધા અને નિરક્ષરતા જોઇએ તેટલા ક્યારે વિદાય લેશે.  ઘણીવાર પશ્ચિમનું આંધળુ અનુકરણ નજરે પડે છે. ત્યારે દર્દ થાય છે. બાપુ એક ખાનગી વાત, વર્ષોથી પશ્ચિમમાં રહેવાને કારણે તેમના દિલ વાંચવાનો પ્રયત્ન કર્યો છે. તેમને આપણી ભાવના અને વિચાર ધારા ખૂબ ગમે છે.

બાપુ, ખાત્રી કેવી રીતે આપું, પણ આશા છે  કે ભારતમાતાના પ્રજાજન નજીકના વર્ષોમાં થોડી રાહત પામશે ? તમારા જોયેલાં સ્વપના સાકાર થાય એવી ઢાઢસ બંધાઈ છે. બાકી તો સમય આવ્યે ખબર પડશે ! બાપુ તમને વંદન. તમારી અમી ભરી નજરોની અપેક્ષા. સહુના દિલમાં રામ વસે તેવી શુભ કામના.
હ્યુસ્ટન, ટેક્સાસ

Advertisements

ક્રિયાઓ

Information

One response

3 10 2017
Datta

પત્રમાં દેશમાં ચાલતા પ્રશ્નોનું આક્રોશમય છતાં પ્રેમથી ભરપૂર આલેખન બહુ સારી રીતે કર્યુ છે. દેશની ઉન્નતિ માટે પ્રજા સજાગ બની સક્રિય અને અથાગ મહેનતના પંથ પર આગળ ધપે એવી તારી શુભેચ્છામાં સંપૂર્ણ રીતે સહમત છું।
Datta

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s




%d bloggers like this: