હે, ઇશ્વર અર્પિત અણમોલ
જીવન મારે સફળ કરવું
મહેનત મારે કરવી પડે તો
મહેનતથી મારે ના ડરવું
****
હે બાળપણ મેં રમતા રમતા
મસ્તી કરીને પુરું કર્યું.
બાળપણની યાદોમાં રાચી
જીવન મારે સફળ કરવું
**
હે, શાળામાં ભણી ગણીને
કોલેજના પગથિયા ચડી
ભવિષ્યના સપના સજાવ્યા
જીવન મારે સફળ કરવું
**
અગ્નિ સમક્ષ ફેરા ફરીને
સંસારમાં પગરણ માંડ્યું
ગ્રહસંસારમાં ડૂબતા ડૂબતાં
જીવન મારે સફળ કરવું
**
પ્રૌઢાવસ્થા વટાવી ઘડપણ
દ્વારે આવી પહોંચી
અસીમ અથાગ શ્રમ જતાવ્યા
જીવન મારે સફળ કરવું
**
મરતા મરતા ના જીવવાની
કસમ મેં દીધી હતી
મૃત્યુ શૈયા, શ્રીજી સુમિરન
જીવન મારે સફળ કરવું