સામાન્ય જનની જેમ જીંદગી ગુજારી, અસામાન્ય કરવાની તમન્ના
*
પુરૂષાર્થમાં ગરકાવ થઈ, આખરે શિખરને આંબવાની તમન્ના
*
ભગિરથ કર્મ દ્વારા, આ અણમોલ જન્મ સફળ કરવાની તમન્ના
*
સમયનો સદઉપયોગ કરી, કશું ક અવનવું કરવાની તમન્ના
*
શ્રીજીનો હાથ ઝાલી, ભક્તિમાર્ગે મંઝિલ કાપવાની તમન્ના
*
ઘરમાં શાંતિ દ્વારા સહુનો યોગક્ષેમ જાળવવાની તમન્ના
*
કળાની અભિવ્યક્તિ દ્વારા, જીવને રસ ટકાવવાની તમન્ના
*
દિલને શાતા મળે, એવી પ્રવૃત્તિઓમાં ગુંથાવાની તમન્ના
*
મનવી છું માનવને સહાય રૂપ બનું તેવી ભાવનાની તમન્ના
*
બિંદુમાં સિંધુની કલ્પના, દ્વારા જગે વિહરવાની તમન્ના
*
સાહ્યબાની સંગે, સાહ્યબીના માહોલમાં રાચવાની તમન્ના
*
વર્તમાનકાળમાં રાચી, ફરિયાદ બેબુનિયાદ માનવાની તમન્ના
*
ઉગતા સૂરજને નિહાળી, જીવનમાં સંતોષ રેલાય તેવી તમન્ના
*
વાણિયણ લેખિકા બની મલકી, પ્રભુ પ્રસન્ન રહે તેવી તમન્ના
*
સાહિત્ય સરિતા, ઉન્નતિના શિખરે બિરાજે દિલ પૂર્વક તમન્ના
*
અંતિમ ક્ષણો પહેલા, કરેલ ભૂલોની ક્ષમા પામવાની તમન્ના
*
મન માનસ અને માનવી 